"तारे जमिन पर" फिल्मका यी बाल कलाकार १२ वर्ष पछि भए यस्ता - Charchit Entertainment!

चर्चित समाचार

Post Top Ad

Wednesday, July 17, 2019

"तारे जमिन पर" फिल्मका यी बाल कलाकार १२ वर्ष पछि भए यस्ता

आमिर खानद्वारा अभिनित फिल्म ‘तारे जमिन पर’ का बाल कलाकार दर्शिल सफारी अब ठूलो भइसकेका छन् । उनले त्यसपछि पनि एउटा फिल्ममा अभिनय गरिसकेका छन् । सन् २००७ मा रिलिज भएको फिल्म तारे जमिन परमा आमिर खानबाहेक दर्शिलको कामको पनि निकै तारिफ भएको थियो । दर्शिलले फिल्ममा डिसलेक्सिक बच्चाको भूमिका निभाएका थिए ।
तारे जमिन परबाहेक दर्शिलले बाल कलाकारको रुपमा बम बम भोले, जोकोमौनी र मिडनाइट्स चिल्ड्रेनजस्ता फिल्ममा अभिनय गरेका थिए । तर त्यसपछि फिल्मी दुनियाँमा उनको उपस्थिती पातलो भयो । यसको कारण पनि उनी आफैंले बताएका थिए ।
एक अन्तरवार्तामा दर्शिलले भनेका थिए, ‘म फिल्मका लागि अडिशन दिन जान्थे र धेरै पटक काम पनि पाउँथे । तर म आफ्नो काम निकै छानेर लिने गर्छु । मानिसहरुले मलाई तारे जमिन परका कारण चिन्छन् त्यसकारण प्रोजेक्ट गर्नुअघि निकै सतर्क रहन्छु ।’

दर्शिल सोसल मिडियामा पनि छन् तर उनी खासै सक्रिय छैनन् । उनको इन्स्टाग्राम अकाउन्टमा उनका केही तस्बिर उपलब्भ छन् तर उनका प्रशंसक ह्याशट्यागमा उनको तस्बिर सेयर गरिरहन्छन् ।

No comments:

Post a Comment

Post Bottom Ad

Pages